Fékk hjartaáfall stuttu eftir afbrotahrinu og snéri blaðinu við

Karlmaður var dæmdur í sex mánaða fangelsi dag í Héraðsdómi Suðurlands fyrir innbrot, þjófnað, hylmingu og umferðarlagabrot. Maðurinn játaði brot sín skýlaust en þau voru öll framin árið 2009.

Maðurinn greindi frá því fyrir héraðsdómi að hann hefði fengið hjartaáfall skömmu eftir afbrotin og verið nær dauða en lífi. Í kjölfarið snéri maðurinn alfarið af braut fíkniefnaneyslu og afbrota.

Hann býr nú á Vestfjörðum ásamt konu og litlu barni og er í fastri vinnu samkvæmt dómsorði. Þar af leiðandi þótti dómi réttast að skilorðsbinda refsinguna til tveggja ára og fellur hún niður haldi maðurinn almennt skilorð í þann tíma.