Færð: Víða hálka

Hálka er á Hellisheiði, Sandskeiði og í Þrengslum. Á Vesturlandi eru hálkublettir á Fróðárheiði, Vatnaleið og á Bröttubrekku. Snjóþekja er á Holtavörðuheiði.

Á Vestfjörðum eru víða hálkublettir. Snjóþekja og óveður er á Hálfdáni og á Mikladal annars er víða Snjóþekja og skafrenningur á heiðum.

Á Norðvesturlandi eru víða hálkublettir eða hálka og einhver éljagangur. Á Norðausturlandi er víðast greiðfært þó er hálka og skafrenningur á Öxnadalsheiði og mjög slæmt skyggni.

Á Austurlandi er víðast greiðfært þó er Ófært um Breiðdalsheiði. Á Suðausturlandi eru hálkublettir allra syðst.