Þekkið þið ræningjana | Myndir

Lögreglan á höfuðborgarsvæðinu lýsir eftir mönnum sem gerðu tilraun til bankaráns í Arion banka í Árbænum í morgun.

Annar ræninginn fór inn í bankann og braut gler sem skilur að viðskiptavini og gjaldkera en hinn beið fyrir utan í bíl. Svo virðist sem þeir hafi komið við í Select verslun skammt frá bankanum þar sem þeir keyptu plastpoka samkvæmt heimildum Vísis.

Ræninginn krafðist þess að starfsmaður bankans setti peninga í pokann. Enginn starfsmaður brást við hótunum ræningjans og yfirgaf hann því vettvanginn án þess að hafa nokkuð upp úr krafsinu.

Lögreglan birtir myndirnar á Facebook síðu sinni.