Stefán Einar formaður LÍV

Stefán Einar Stefánsson, formaður VR, var kjörinn formaður Landssambands íslenskra verzlunarmanna á 27. þingi sambandsins sem haldið var í dag.

Í tilkynningu frá Landssambandi íslenskra verzlunarmanna, LÍV, kemur fram að varaformaður sambandsins, Stefanía Magnúsdóttir, hafi gegnt stöðu formanns LÍV frá nóvember síðastliðnum þegar Ingibjörg R. Guðmundsdóttir lést.  Stefanía voru þökkuð góð störf á þingi LÍV sem haldið var í dag.

Ný stjórn LÍV var kosin til tveggja ára en í henni sitja Guðbrandur Einarsson, VS, Margrét Ingþórsdóttir, VMS, Páll Ö. Líndal, VR, Snæbjörn Sigurðarson, Framsýn stéttarfélagi, Stefanía Magnúsdóttir, VR og Úlfhildur Rögnvaldsdóttir, FVSA.