Jón Ásgeir búinn að stefna Birni og vill um miljón í miskabætur

Birni Bjarnasyni, fyrrverandi dómsmálaráðherra, hefur verið afhent stefna vegna meintra meiðyrða í garð Jóns Ásgeirs Jóhannessonar, sem birtust í bók Björns, Rosabaugur.

Þetta kom fram á bloggi Björns í gær.

Björn hefur þegar leiðrétt þær rangfærslur sem finna mátti í fyrstu prentun bókarinnar en meðal ummæla sem Jón Ásgeir stefnir fyrir eru ásakanir um að Jón hafi verið dæmdur fyrir fjárdrátt í Baugsmálinu svokallaða. Sannleikurinn er sá að hann var dæmdur fyrir bókhaldsbrot.

Björn baðst afsökunar á rangfærslum sem finna mátti í bókinni á bloggi sínu auk þess sem þær voru leiðréttar í seinni prentun bókarinnar.

Auk þess sem Jón Ásgeir fer fram á ómerkingu ummælanna þá krefst hann um milljón krónur í bætur samkvæmt verjanda Jóns Ásgeirs.