Oddný Sturludóttir formaður skóla- og frístundaráðs

Skipað var í nýtt skóla- og frístundaráð á fundi borgarstjórnar 20. september. Ráðið tekur yfir stefnumótun menntamála og frístundastarfs barna og ungmenna í leik- og grunnskólum og frístundaheimilum Reykjavíkurborgar sem áður fór fram í leikskólaráði, menntaráði og að hluta til í íþrótta- og tómstundaráði.

Fulltrúar í nýju skóla- og frístundaráði eru:

Oddný Sturludóttir formaður

Hilmar Sigurðsson

Óttarr Ólafur Proppé

Eva Einarsdóttir

Kjartan Magnússon

Þorbjörg Helga Vigfúsdóttir

Líf Magneudóttir

Foreldrasamtökin Börnin okkar og SAMFOK eiga áheyrnarfulltrúa í ráðinu, svo og fulltrúar skólastjórnenda og starfsfólks í leikskólum og grunnskólum og forstöðumenn frístundamiðstöðva.

Nýtt skóla- og frístundaráð heldur sinn fyrsta fund miðvikudaginn 28. september.

Borgarstjórn skipaði jafnframt í nýtt íþrótta- og tómstundaráð. Fulltrúar í því eru:

Eva Einarsdóttir formaður

Eva Baldursdóttir

Stefán Benediktsson

Karl Sigurðsson

Kjartan Magnússon

Geir Sveinsson

Marta Guðjónsdóttir