Þrettán óku undir áhrifum fíkniefna, sjö undir áhrifum áfengis

Þrettán ökumenn voru teknir á höfuðborgarsvæðinu um helgina fyrir að aka undir áhrifum fíkniefna. Voru tíu þeirra stöðvaðir í Reykjavík og þrír í Kópavogi.

Fimm voru teknir á laugardag, sex á sunnudag og tveir aðfaranótt mánudags. Þetta voru ellefu karlar á aldrinum 17-32 ára og tvær konur á þrítugsaldri. Sjö þessara ökumanna höfðu þegar verið sviptir ökuleyfi og einn hefur aldrei öðlast ökuréttindi.



Þá voru sjö ökumenn voru teknir fyrir ölvunarakstur. Fimm þeirra voru stöðvaðir í Reykjavík og einn í Kópavogi og Hafnarfirði. Þrír voru teknir á laugardag og fjórir á sunnudag. Þetta voru fjórir karlar á aldrinum 17-48 ára og þrjár konur, 20-63 ára. Einn þessara ökumanna hafði þegar verið sviptur ökuleyfi.