Íslandshreyfingin mótmælir harðlega tilraunaborunum

Stjórn Íslandshreyfingarinnar mótmælir harðlega áformum um að fara með bora og stórvirk tæki inn í Gjástykki og eyða mörg hundruðum milljóna króna í tilraunaboranir þar með tilheyrandi óafturkræfum umhverfisspjöllum í ályktun sem þeim sendu á fjölmiðla í nafni Íslandshreyfingarinnar.

Þar segir ennfremur að stjórnin skori á Landsvirkjun að nota ekki leyfi Orkustofnunar til þessa, og vísar stjórnin til þess að fyrir liggur að friða þetta

svæði að aflokinni vandaðri umfjöllun eins og segir í tilkynningunni.

Með því að eyða miklum fjármunum í tilraunaboranir nú yrði síðar hægt að nota kostnaðinn sem röksemd fyrir því að fara út í virkjanaframkvæmdir með enn meiri óafturkræfum umhverfisspjöllum að mati stjórnar Íslandshreyfingarinnar.

Svo segir orðrétt:

„Stjórn Íslandshreyfingarinnar skorar á stjórnvöld að standa við loforð, sem gefin voru vorið 2007 af þáverandi iðnaðarráðherra og umhverfisráðherra að ekki yrði hróflað við svæðinu Leirhnjúkur-Gjástykki nema að undangegnum sérstaklega yfirgripsmiklilli og vandaðri umfjöllun og að endanleg ákvörðun yrði einungis tekin með beinu samþykki Alþingis."