Fautaárás á Selfossi - tólf yfirheyrðir

Tilkynnt var um kröftug slagsmál við skemmtistaðinn Hvíta húsið á Selfossi um klukkan fjögur á sunnudagsmorgun.  Lögreglumenn sem voru skammt frá fóru þegar á staðinn og er þangað kom var hópur fólks skammt frá skemmtistaðnum. 

Heitt var í kolunum milli manna og mikið slasaður eftir „fautaárás sem fimm ungir menn stóðu að,“ eins og það er orðað í tilkynningu frá lögreglu.  Sex einstaklingar voru handteknir á staðnum og fluttir á lögreglustöð.  Fjórir þeirra voru færðir í fangageymslur á meðan rannsókn fór fram.  Í það heila voru tólf yfirheyrðir í gær.  Fimm þeirra hafa stöðu sakbornings.  Rannsókn er á lokastigi og að mestu upplýst. 

Aðdragandi árásarinnar var sá að maður hafði uppi sóðatal við annan mann sem reiddist og varð til þess að á hann var ráðist.  Árásarþolinn brotnaði á úlnlið og hlaut slæma áverka á höfði eftir spörk og hnefahögg.  Hann var fluttur á slysadeild Landspítala en var útskirfaður eftir að gert var að sárum hans.