Kosning til formanns Sjálfstæðisflokksins hafin

Kosning í embætti Sjálfstæðisflokksins er hafin á landsfundi flokksins í Laugardalshöll. Hanna Birna Kristjánsdóttir og Bjarni Benediktsson, sitjandi formaður, eru í framboði.

Þá gefur Ólöf Nordal aftur kost á sér sem varaformaður flokksins. Séra Halldór Gunnarsson bauð sig óvænt fram á móti henni á fundinum. Fyrst veður formaður flokksins kosinn en samkvæmt fundarstjóra fer kosningin fram næstu 30 mínúturnar.

Landsfundur Sjálfstæðisflokksins samþykkti svo í dag tillögur framtíðarnefndar Sjálfstæðisflokksins, en meðal tillagna sem voru samþykktar, að fjölga í forystusveit flokksins. Þannig verður stofnað til embætti annars varaformanns. Hans hlutverk er að taka ábyrgð á innra starfi flokksin og ætlað að bæta skipulag.

Landsfundarfulltrúar höfnuðu þó tillögum nefndarinnar um að landsfundurinn yrði opinn.

Hægt er að fylgjast með útsendingu frá fundinum hér.