Hundrað björgunarsveitarmenn leituðu í alla nótt

Um það bil hundrað björgunarsveitarmenn hafa leitað í alla nótt að sænskum ferðamanni, sem saknað er á Sólheimajökli, en án árangurs.

Þar eru aðstæður erfiðar vegna sprungna í jöklinum og eru aðeins sér þjálfaðir jöklamenn sendir í leitina.

Þyrla Landheglisgæslunnar leitaði lika í gærkvöldi og er nú til taks við Skóga. Hún byrjar væntanlega leit aftur með birtingu.

Hótel á svæðinu hafa verið opnuð björgunarmönnum, þar sem þeir hvílast og fá að borða, en snemma í morgun var enn verið að kalla út nýjar björgunarsveitir, þannig að nú taka sveitir af nánast öllu landinu þátt í leitinni.

Ekkert hefur heryst frá Svíanum frá því í fyrrakvöld, að hann hringdi eftir hjálp, þar sem hann var orðinn kaldur og þrekaður, og auk þess villtur