Enska landsliðinu hefur gengið betur án Rooney

BBC hefur tekið saman tölfræði yfir gengi enska landsliðsins með og án Wayne Rooney síðan að skapheiti framherjinn spilaði sinn fyrsta landsleik árið 2003.

Wayne Rooney var í gær dæmdur í þriggja leikja bann af UEFA fyrir rautt spjald á móti Svartfjallalandi í síðasta leik liðsins í undankeppni EM og mun því missa af allri riðlakeppni Evrópumótsins næsta sumar.

Rooney hefur leikið 73 landsleiki fyrir England á þessum átta árum og hann hefur skorað í þeim 28 mörk. Rooney skoraði 11 mörk í 17 leikjum frá 2008 til 2009 en hefur aðeins skorað 3 mörk í 16 leikjum undanfarin tvö ár.

Englendingar ættu ekki að örvænt yfir þessu ef marka má tölfræðina því enska liðinu hefur gengið betur í þeim leikjum sem Rooney hefur ekki notið við.

Enska landsliðið með Rooney:

Leikir 73

Sigurleikir 44

Jafntefli 16

Tapleikir 13

Markatala: 139-63

Sigurhlutfall: 60,3 prósent

Enska landsliðið án Rooney:

Leikir 29

Sigurleikir 20

Jafntefli 4

Tapleikir 5

Markatala: 64-24

Sigurhlutfall: 69 prósent