Starfshópur fundar um kjör lögreglumanna í dag

Starfshópur fulltrúa forsætis- innanríkis- og fjármálaráðuneyta annarsvegar og sanmninganefnd lögreglumanna hinsvegar, til að finna lausn á deilum um kjör lögreglumanna, kemur saman til fyrsta fundar í dag.

Ákvörðum um skipun starfshópsins var tekin á fundi forsvarsmanna Landssambands lögreglumanna og fjármálaráðherra í tengslum við fjölmenna mótmælagönu lögreglumanna í gær. Ekki hefur verið upp gefið um leiðir, sem ræddar verða, og eftir því sem næst verður komist hefur hópnum ekki verið sett tímamörk um að skila tillögum.