Tom Hicks og George Gillett enn að kæra eigendur Liverpool

Draugur fyrrverandi eigenda Liverpool hangir enn yfir félaginu. Bandaríkjamennirnir Tom Hicks og George Gillett mættu til Liverpool borgar í gærkvöldi og lögðu fram kæru á hendur núverandi eigendum. Gillet og Hicks voru þvingaðir til að selja Liverpool að skipun dómstóla fyrir tæpu ári. Þeir kalla söluna sögulegt svindl og fara fram á hundruð milljóna punda í skaðabætur.

Þá lögsækja þeir einnig lánveitandann, Skotlandsbanka og þrjá fyrrverandi stjórnarmeðlimi Liverpool fyrir að þvinga sig til til að selja félagið langt undir markaðsvirði.

Þegar málið náði hámarki í október í fyrra féll grannaslagur Everton og Liverpool í skuggann af því. Það kann því að vera táknrænt að þessi grannalið mætast einmitt í ensku úrvalsdeildinni laust fyrir hádegi á morgun á Goodison Park.