Kassastrákur kærði formann VR til jafnréttisnefndar

Kassastrákurinn Hallur Reynisson hefur kært sextán fyrirtæki til kærunefndar jafnréttismála og að auki formann VR, Stefán Einar Stefánsson og yfirmann sinn, Gunnar Inga Sigurðsson, framkvæmdastjóra Hagkaupa.

Hallur er tvítugur starfsmaður í Hagkaup á Akureyri og sendi tilkynningu til fjölmiðla að hann væri jafnréttissinni, því gæti hann ekki setið hjá og fylgst með þegar konur fengu 10% afslátt þegar þær versluðu í Hagkaup.

Í rökstuðningi sínum segir hann þetta álíka fjarstæðu og að veita viðskiptavinum afslátt á grundvelli litarháttar, kynhneigðar, trúarskoðana og svo framvegis.

Hallur sendi kæruna inn í dag.