Innlent

Gleði í Eyjum - myndir

Mynd/Óskar Friðriksson
Rúmlega 10 þúsund þjóðhátíðargestir tóku vel undir þegar söngvarinn Páll Óskar Hjálmtýsson frumflutti þjóðhátíðarlagið í ár, La dolce vita, í Herjólfsdal í gærkvöldi. Hátíðin hófst formlega í gær en margir vilja þó meina að húkkaraballið svonefnda sem fram fer á fimmtudegi fyrir hverja þjóðhátíð marki í raun upphaf þjóðhátíðar hverju sinni. Meðfylgjandi myndir tók Óskar Friðriksson.

Boðið var upp á barnadagskrá fram eftir degi í gær en á níunda tímanum hófst kvöldvaka og þá var bál tendrað í Fjósakletti. Formaður þjóðhátíðarnefndar sagði í samtali við fréttastofu fyrr í dag að að þrátt fyrir að diskóskotið þjóðhátíðarlag Páls Óskars hafi verið umdeilt hafi hann slegið í gegn á einlægninni í gær. Auk Páls Óskars tróð Ari Eldjárn upp sem og hljómsveitirnar Mannakorn og Bjartmar og bergrisarnir.

Barnadagskráin hefst síðan á nýjan leik á þriðja tímanum í dag og tónleikar á aðalsviðinu hefjast klukkan 20:30, en þá stíga Hvanndalsvræður á stokk. Það gera einnig Jón Jónsson, Fjallabræður, Ingó úr Veðurguðunum og að lokum hljómsveitin Dúndurfréttir ásamt Eiríki Haukssyni.


Tengdar fréttir

Hótaði lögreglumönnum

Þrír gistu fangageymslur lögreglunnar í Vestmanneyjum í nótt þar af einn vegna fíkniefnamáls og fyrir að hóta lögreglumönnum. Hinir tveir gistu í fangageymslum vegna ölvunar.

Fluttur með höfuðáverka til Reykjavíkur eftir líkamsárás í Eyjum

Þjóðhátíðargestur var fluttur með sjúkraflugi til Reykjavíkur með höfuðáverka eftir líkamsárás í Vestamannaeyjum í nótt. Til átaka kom milli fjögurra manna og þurftu nokkrir þeirra að leita sér aðhlynningar á Heilbrigðisstofnun Vestmannaeyjum. Þar tóku læknar þá ákvörðun að senda einn mannanna til Reykjavíkur en flogið var með hann á sjötta tímanum í morgun.

Líðan mannsins stöðug eftir líkamsárás í Eyjum

Maðurinn sem fluttur var með sjúkraflugi til Reykjavíkur eftir líkamsárás í Vestmannaeyjum í nótt er í stöðugu ástandi, að sögn læknis á slysadeild Landspítalans í Fossvogi. Maðurinn hlaut höfuðáverka og þá einkum á andliti. Hann er enn til rannsóknar á slysadeild og verður mögulega lagður inn síðar í dag.

Páll Óskar heillaði þjóðhátíðargesti með einlægninni

Um tíu þúsund manns voru staddir í Herjólfsdal í gærkvöldi. Formaður þjóðhátíðarnefndar segir að þrátt fyrir að diskóskotið þjóðhátíðarlag Páls Óskars hafi verið umdeilt hafi hann slegið í gegn á einlægninni í gær.

Mest lesið


Fleiri fréttir

Sjá meira


×

Mest lesið