Krummi gerir sig heimkominn í Norðlingaholtinu

Svo virðist sem krumminn gæfi, sem Vísir greindi frá þann 20. júlí síðastliðinn, hafi gert sig heimkominn í Norðlingaholtinu, en hann vakti fyrst athygli fréttastofu þegar íbúar höfðu samband eftir að hrafninn hafði eytt 40 mínútum að leik með krökkum á svæðinu.

Krumma líkar greinilega vel við íbúa Norðlingaholts, því nú hafa fréttastofu borist fleiri myndir af honum þar sem hann heimsótti aðra fjölskyldu í hverfinu í fyrradag og gæddi sér þar á brauði úr höndum heimilisfólks og pottaplöntum.