Real Madrid sigraði LA Galaxy örugglega

Spænska liðið, Real Madrid, sigraði LA Galaxy, 4-1, í æfingarleik sem fram fór í Los Angeles í gær, en 57 þúsund áhorfendur sáu besta liðið í MLS-deildinni tapa gegn stjörnuprýddu liði Real Madrid.

Cristiano Ronaldo skoraði frábært mark þegar hann lék á nokkra varnarmenn LA Galaxy áður en hann þrumaði boltanum í þaknetið.

Frakkinn, Karim Benzema, gerði einnig eitt mark og José Callejon og Joselu gerðu sitt markið hvor fyrir þá spænsku.  Adam Cristman gerði eina mark heimamanna, en David Beckham lék allan leikinn.

Þetta var í fyrsta skipti sem David Beckham mætir Real Madrid síðan hann yfirgaf félagið 2007.