Paragvæ í undanúrslit eftir sigur gegn Brasilíu í vítaspyrnukeppni

Paragvæ gerði sér lítið fyrir og sló út Brasilíu í Suður-Ameríku bikarnum í kvöld. Jafnt var á með liðunum eftir venjulegan leiktíma, 0-0, og framlengja þurfti leikinn.

Ekkert mark var skorað í framlengingunni og því þurfti að grípa til vítaspyrnukeppni. Brasilía skoraði ekkert mark í vítaspyrnukeppninni og misnotuðu allar þær fjórar spyrnur sem liðið tók.

Paragvæ vann því leikinn 2-0 eftir vítaspyrnukeppni og eru því komnir í undanúrslit Suður-Ameríu bikarsins.

Brasilía var betri aðilinn í leiknum en þeir nýttu ekki færin og eru eflaust að naga á sér handarbakið núna.