Opnun flugvalla endurmetin eftir hádegi

Flugvellirnir í Reykjavík og Keflavík voru opnaðir á ný klukkan átta í morgun, en þeim var lokað í gærkvöldi vegna ösku í háloftunum.

Fljótlega eftir það lögðu vélar af stað héðan og vélar eru farnar að koma að utan.

Akureyrar- og Ísafjarðarflugvöllum var líka lokað í gærkvöldi og eru enn lokaðir. Ný spá er væntanleg í hádeginu og þá verður staðan endurmetin.

Ísafjarðarflugvöllur var einnig lokaður í gær og er enn. Ástæðan er aska sem berst í háloftunum sem hefur borist til Grænlands og svo blásið til baka.

Hennar verður lítið sem ekkert vart frá jörðu séð, en góðar horfur eru á að völlurinn verði opnaður eftir hádegi.