Brot Baldurs eru stórfelld

Brot Baldurs Guðlaugssonar, fyrrverandi ráðuneytisstjóra fjármálaráðuneytisins eru stórfelld samkvæmt niðurstöðu Héraðsdóms Reykjavíkur. Þá segir ennfremur að Baldur hafi misnotað stöðu sína sem opinber starfsmaður og því þyngist refsing hans um helming. Baldur var dæmdur í tveggja ára óskilorðsbundið fangelsi.

Baldur var ákærður í sex liðum en var sýknaður af einum lið og hluta af ákærulið 2.

Baldur seldi hlutabréfin í Landsbankanum 17. og 18. september 2008, eða rétt fyrir hrun Landsbankans.

Héraðsdómur gerir ávinning hlutabréfasölunnar upptækan eða alls 192 milljónir króna, en féð er á bankareikningi Baldurs í Arion banka.

Þá skal Baldur greiða lögmanni sínum fjórar og hálfa milljón króna.

Þetta er fyrsta mál sérstaks saksóknara sem dæmt er í.