Sjúkratryggingar vilja fá reikninga sérfræðilækna

Sjúkratryggingar Íslands hafa farið þess á leit við sérfræðilækna að þeir sendi rafræna reikninga til stofnunarinnar, ef til uppsagnar þjónustusamnings þeirra kemur um mánaðamótin, þannig að sjúklingar þeirra þurfi ekki að greiða fullt verð fyrir þjónustu þeirra.

Mismunurinn verði svo afgreiddur rafrænt. Samtök sérfræðilækna hafa ekki tekið afstöðu til þessa. Ekki hefur verið boðað til samningafundar í deilu þeirra við Sjúkratryggingarnar þannig að þjónustusamningurinn rennur að öllum líkindum út um mánaðamótin.