Skotmenn yfirgáfu réttarsal svo nágrannar gætu borið vitni

Mennirnir sex, sem eru ákærðir fyrir að hafa skotið á hurð heimilis í Fossvoginum á aðfangadegi, samþykktu að víkja úr réttarsal á meðan nágrannar bæru vitni í málinu.

Nágrannarnir höfðu áður neitað að bera vitni af ótta um öryggi sitt nema sakborningarnar vikju úr réttarsalnum á meðan, sem þeir féllust á.

Sjálfir sögðu hinir ákærðu að ætlun þeirra hafi verið að hræða heimilisföðurinn þegar þeir skutu á hurðina en ekki skaða hann.

Fjölskylda mannsins, þar á meðal börn, voru á heimilinu en þeim tókst að flýja yfir til nágrannanna.

Sexmenningarnar sögðu fyrir rétti að þeir hefðu verið mjög drukknir þegar árásin átti sér stað og að auki undir áhrifum fíkniefna. Þeir sýndu að auki iðrun í réttarsalnum.

Spurðir hversvegna þeir hefðu skotið á hurðina sögðust þeir hafa átt sökótt við heimilisföðurinn.