Kannast þú við þessa stolnu muni?

Lögreglan á höfuðborgarsvæðinu hefur undir höndum mikið magn muna sem hald hefur verið lagt á síðustu vikur. Um er að ræða hluti sem innbrotsþjófar hafa komist yfir en tugir slíkra mála hafa verið upplýst af lögreglu undanfarið. Leitar lögreglan nú eigenda hlutanna á meðfylgjandi myndum.

Hinir sömu eru vinsamlegast beðnir um að hafa samband við lögregluna í síma 444-1000 á skrifstofutíma, þ.e. virka daga frá kl. 8-16, en hinir stolnu munir eru geymdir á lögreglustöðinni á Flatahrauni 11 í Hafnarfirði. Tekið skal fram að afhending muna fer fram gegn framvísun staðfestingar á eignarhaldi.