Víða hvassviðri - óveður við Hafnarfjall

Á Suðurlandi eru hálkublettir á Hellisheiði og í Þrengslum samkvæmt upplýsingum frá Vegagerðinni. Hálkublettir og éljagangur er víða á Vesturlandi. Óveður er við Hafnarfjall og á norðanverðu Snæfellsnesi.

Á Vestfjörðum eru hálkublettir víða. Hálkublettir og éljagangur er á Steingrímsfjarðarheiði og á Hálfdán en hálkublettir og skafrenningur á Mikladal.

Á Norður- og Austurlandi eru vegir auðir fyrir utan hálkubletti við Kópasker. Á Suðausturlandi er sumstaðar snjóþekja.

Ábendingar frá veðurfræðingi fyrir kvöldið og nóttina Áframhaldandi hvassvirði eða stormur með hviðuástandi við fjöll vestanlands, en hvessir austantil í dag, og stormur á fjallvegum á Austurlandi og við austurströndina í kvöld og nótt.

Talsverð úrkoma sunnan og vestantil en skúrir eða éljagangur þar í nótt.