80 björgunarsveitarmenn leituðu vélsleðamannsins í gær

Vélsleðamaðurinn sem leitað var að í gær fannst heilla húfi rétt eftir klukkan sjö í gærkvöldi. Um það bil áttatíu manns tóku þátt í leitinni.

Maðurinn var í símasambandi við björgunarsveitarmenn á meðan á leitinni stóð en hann hafði farið ofan í svefnpoka sinn og því næst grafið sig í fönn.

Hann var staddur um tvo kílómetra frá skálanum í Hrafntinnuskeri í grennd við Landmannalaugar en það höfðust ferðafélagar mannsins við.

Maðurinn hafði orðið viðskila við félaga sína í gærmorgun þegar þeir voru á heimleið frá Hrafntinnuskeri og að Sigöldu þar sem bílar þeirra voru geymdir.  

Aðstæður voru erfiðar við leitina en mikið rok og skafrenningur var á svæðinu.