Einungis brot af fénu fundið

Enn hefur ekki tekist að finna nema brot af þeim fjármunum sem sviknir voru út úr virðisaukaskattskerfinu snemma á síðasta ári í einu umfangsmesta fjársvikamáli Íslandssögunnar. Lögreglan rannsakar enn málið, segir Jón HB Snorrason saksóknari hjá lögreglunni á höfuðborgarsvæðinu.

Málið snýst um svik á um 270 milljónum úr úr virðisaukaskattskerfinu. Starfsmaður ríkisskattstjóra er meðal annars grunaður um aðild. Svikin voru með þeim hætti að tvö einkahlutafélög skiluðu reikningum upp á 1.300 milljónir króna vegna byggingaframkvæmda sem aldrei var ráðist í og fengu þannig endurgreiddan virðisaukaskatt upp á 270 milljónir. Þegar mest var sátu fimm einstaklingar í gæsluvarðhaldi. Þá var einnig gefinn út alþjóðleg handtökuskipun á hendur Íslendingi vegna meintar aðildar hans að málinu.

„Það er í rannsókn sem fyrr og verið að reyna að upplýsa málið í smáatriðum eins og gengur og okkur ber skylda til," segir Jón HB Snorrason. Hann segir ekki ljóst hvnær rannsókn málsins muni ljúka.