Lét ekki reyna á dómsmál

Sóley Tómasdóttir, borgarfulltrúi Vinstri grænna, lét ekki reyna á rétt sinn fyrir dómstólum þótt hún hafi talið að harka­lega hafi verið vegið að henni á netinu í aðdraganda sveitarstjórnar­kosninga síðasta vor.

Eftir kosning­arnar sagðist Sóley vera að skoða réttarstöðu sína. Hún sagðist í gær ekki hafa farið lengra með málið. Hún hefði einfaldlega haft nóg annað fyrir stafni í starfi sínu sem borgarfulltrúi.

Um 8,4 prósent kjósenda VG strikuðu Sóley út af lista flokksins í kosningunum, og taldi hún það vera vegna femínískra skoðana sinna. - bj