United að landa Jack Rodwell

Það lítur út fyrir að Manchester United sé að krækja í björtustu stjörnu Everton-liðsins, Jack Rodwell, en Chelsea og Manchester City hafa einnig áhuga á leikmanninum.

David Moyes, þjálfari Everton, hefur sagt að það verði erfitt að halda Rodwell. Wayne Rooney fór frá Everton ungur að árum og hefur sýnt það og sannað að hann er meðal bestu leikmanna í heiminum um þessar mundir. Rodwell ætlar sér stóra hluti líka og hann vill eflaust spila fyrir stærra félag fyrr en síðar.

Everton vill fá 8 milljónir punda fyrir leikmanninn en sögusagnir eru um það að Everton ætli sér að reyna kaupa Stephen Ireland, leikmann Manchester City, næsta sumar til að fylla skarð Rodwell.