Meintur morðingi í haldi

Lögreglan í Belgíu hefur handtekið mann sem hún hefur grunaðan um að hafa skotið dómara og aðstoðarmann hennar til bana þegar þau voru að koma úr réttarsal í Brussel á fimmtudagsmorgun.

Maðurinn, sem er Írani að uppruna, fannst í almenningsgarði í borginni, en hann hafði flúið dómssalinn þar sem skotárásin átti sér stað á fæti. Árásarmaðurinn virðist hafa átt óuppgerðar sakir við dómarann sem fyrirskipaði útburð á hann árið 2007.

Dómsmálaráðherra Belgíu hefur þegar farið fram á að öryggisreglur í dómshúsum verði hertar vegna málsins.