Risastór hringlaga hola í Guatemala borg

Þriggja hæða hús hvarf ofan í risastóra holu sem myndaðist eftir miklar rigningar í Guatemalaborg, höfuðborg Guatemala.

Nokkrar slíkar holur hafa myndast í borginni en þessi er sýnu stærst. Hún er þrjátíu metrar í þvermál og sextíu metra djúp.

Menn spyrja sig eðlilega hvernig stendur á að þessi hola myndaðist. Hún er nánast fullkominn hringur.

Opinbera skýringin hingaðtil hefur verið sú að regnvatnið hafi skolað burt neðanjarðargöngum undir umferðarmerkjum og landið því sigið.

Það eru þó ekki allir vissir um að þetta sé rétt og þegar um hægist ætla jarðfræðingar að síga niður til þess að reyna að finna orsakirnar.

Að minnsta kosti 150 manns hafa farist í óveðrinu sem gegnið hefur yfir Mið-Ameríku undanfarna daga.