Leiðbeiningar fyrir lögreglu í mansalsmálum birtar

Greiningadeild ríkislögreglustjóra hefur tekið saman upplýsingar og leiðbeiningar um verklag fyrir lögreglu í mansalsmálum. Leiðbeiningarnar eru að stórum hluta byggðar á handbók norsku lögreglunnar um mansal. Þetta var gert í samræmi við aðgerðaáætlun stjórnvalda gegn mansali.

Í leiðbeiningunum er meðal annars fjallað um hvað er mansal, hverjir eru þolendur mansals, hver er munurinn á mansali og smygli á fólki, ranghugmyndir og misskilningur um mansal, hvernig kennsl er borið á þolanda mansals, markmið greiningar, vísbendingar um mansal og margt fleira.

Leiðbeiningarnar eru aðgengilegar hér.

Þolendur mansals getur verið að finna um land allt. Því fer fjarri að slík starfsemi sé bundin við höfuðborgarsvæðið eða þéttbýli almennt.

Viðkomandi þolendur geta sætt þvingun og ánauð af margvíslegum toga. Hér að neðan eru rakin nokkur dæmi úr skýrslunni um starfsemi þar sem vera kann að þolendur mansals sé að finna. Listinn er engan veginn tæmandi:

Götuvændi

Vændi í íbúðum, vændishúsum, klúbbum, nuddstofum, hótelum og öðrum gistihúsum, sánastofum o.s.frv.

Framleiðsla kláms í prentuðu formi eða á netinu

Framleiðsla barnakláms

Skipulögð hjónabönd

Þvinguð hjónabönd

Þjónustörf á heimilum

Barnapössun

Fjölskyldufyrirtæki

Störf á veitingastöðum

Hreingerningarfyrirtæki

Bifreiðaverkstæði

Steypuvinna og hellulagning

Landbúnaðarstörf

Betl

Götusala

Þjófnaður og önnur auðgunarbrot

Framleiðsla, flutningur og dreifing fíkniefna

Byggingariðnaður

Líffæragjöf