Kaupbanni á hendur Chelsea aflétt

Chelsea hefur unnið áfrýjun gegn kaupbanni sem alþjóða íþróttadómstóllinn dæmdi Lundúndafélagið í í kjölfarið á félagsskiptum hins unga Gael Kakuta frá Lens árið 2007.

Chelsea var upphaflega dæmt í 18 mánaða kaupbann sem átti að banna félaginu að kaupa nýja leikmenn í þann tiltekna tíma. Það má því búast við því að Chelsea komi af fullum þunga inn í baráttuna um stærstu bitana á markaðnum þegar félagsskiptaglugginn opnar aftur næsta sumar.

Chelsea hefur til að mynda verið orðað við Brasilíumanninn Alexandre Pato hjá AC Milan sem og Argentínumanninn Sergio Aguero hjá Atletico Madrid.