Flestir treysta Steingrími

Flestir treysta Steingrími J. Sigfússyni, fjármálaráðherra og formanni VG, til að leiða þjóðina út úr efnahagsvandanum samkvæmt skoðanakönnun sem Plúsinn gerði fyrir útvarpsþáttinn Sprengisand á Bylgjunni. 30% treysta Steingrími best, 28% Bjarna Benediktssyni formanni Sjálfstæðisflokksins, 21% Jóhönnu Sigurðardóttur forsætisráðherra og formanni Samfylkingarinnar og 20% Sigmundi Davíð Gunnlaugssyni formanni Framsóknarflokksins.

Samkvæmt skoðanakönnuninni bætti Sjálfstæðisflokkurinn við sig tíu þingmönnum væri kosið til þings í dag, og fengi 26 en hefur 16 nú. Samfylkingin missti sex þingmenn, fengi 14 í stað 20. Vinstri grænir misstu tvo, fengju 12 í stað 14. Framsókn bætti við sig tveimur, fengi 11 í stað níu.