SP-Fjármögnun sendir ekki út greiðsluseðla

SP-Fjármjögnun mun ekki senda út greiðsluseðla vegna gjalddaga á bílalánum og kaupleigusamningum í erlendri mynt í september vegna óvissu um gengislán.

Hæstiréttur mun taka fyrir mál sem snýr að vaxtaþætti bílalána og kaupleigusamninga í erlendri mynt mánudaginn 6. september nk.

Samkvæmt tilkynningu frá SP-Fjármögnun þá hóf lánafyrirtækið á miðju sumri undirbúning á endurreikningum fyrrgreindra lána samkvæmt tilmælum Seðlabanka Íslands og Fjármáleftirlitsins.

Ljóst er að niðurstaða Hæstaréttar mun hafa áhrif á endurútreikningana og því telur SP-Fjármögnun rétt að bíða eftir dómsniðurstöðu í málinu áður en lengra er haldið.