Lundúnaliðin unnu - Forysta Chelsea fjögur stig

Chelsea er komið með fjögurra stiga forystu í ensku úrvalsdeildinni. Liðið lagði Úlfana. Lundúnaliðin Arsenal og West Ham unnu einnig sína leiki.

Didier Drogba heldur áfram að vera sjóðheitur og skoraði hann bæði mörk Chelsea í 2-0 útisigri á Wolves. Það fyrra var sérlega glæsilegt, kom eftir frábært samspil Yuri Zhirkov og Michael Ballack.

Daninn Nicklas Bendtner kom Arsenal yfir gegn Sunderland og þá skoraði Fabregas úr víti í uppbótartíma. West Ham vann 3-0 sigur á Hull þar sem Craig Fagan, leikmaður Hull, var rekinn af velli í stöðunni 1-0.

Wolves - Chelsea 0-2

0-1 Drogba (40.)

0-2 Drogba (67.)

Arsenal - Sunderland 2-0

1-0 Bendtner (27.)

2-0 Fabregas (víti 90.)

West Ham - Hull 3-0

1-0 Behrami (3.)

2-0 C. Cole (59.)

3-0 Faubert (90.)