Obama ræddi við Cameron um olíulekann

Barack Obama, forseti Bandaríkjanna, og David Cameron, forsætisráðherra Bretlands, ræddu saman í dag um olíulekann á Mexíkóflóa í dag. Obama hefur gagnrýnt breska olíufélagið BP mikið fyrir hvernig staðið var að málum eftir að olían tók að leka úr olíulindinni á botni Mexíkóflóa.

Mikið hefur verið rætt um það í Bandaríkjunum hversu langan tíma tekur að stöðva olíulekann. Obama sjálfur hefur einnig verið gagnrýndur fyrir að hafa uppi stór orð um frammistöðu olíufyrirtækisins.

Obama sagði á fundinum í dag að gagnrýni sín á BP snérist ekki um Bretland heldur yrði BP að geta allt sem hægt væri til að stöðva lekann og hreinsa upp olíu sem berst upp að ströndum Bandaríkjanna.