Samstaða í Icesave málinu fagnaðarefni

Stjórn Félags íslenskra stórkaupmanna fagnar því að samstaða virðist vera nást meðal stjórnmálaflokka um afstöðu gagnvart viðsemjendum Íslands í Icesave málinu. Ekki þurfi að fjölyrða um mikilvægi þess að Ísland hafi eina rödd í málinu og að óvissu í kringum málið linni sem allra fyrst.

„Það er grundvallaratriði að heildarhagsmunir þjóðarinnar ráði för en ekki pólitískir hagsmunir einstakra flokka. Í því felst að Íslendingar umgangist skuldbindingar sínar af ábyrgð, réttindi sín af festu en sýni umfram allt samstöðu í sinni framgöngu," segir tilkynningu frá stjórn Félags íslenskra stórkaupmann

Stjórn félagsins telur nauðsynlegt að stjórnmálamenn nálgist fleiri mikilvæg mál með samstöðu að leiðarljósi. Ástandið í atvinnulífinu sé grafalvarlegt og að óbreyttu muni það versna. „Nú þarf samstöðu um nauðsynleg umbótaverkefni og atvinnusköpun."