Starfsmenn á plani í útrýmingarhættu

Þjóðsagnapersónan "Starfsmaður á plani" gæti brátt heyrt sögunni til, þar sem almenningur leitar nú allra leiða til að fá sem ódýrast bensín, og er ekki lengur tilbúinn til að greiða laun starfsmanna á plani, ofan á bensínverðið, sem enn hækkaði í gær.

Samkvæmt heimildum Fréttastofunnar íhugar eitt stóru olíufélaganna að leggja niður starfsmenn á plani frá næstu, eða þarnæstu mánaðarmótum.

Þessir starfsmenn stöðva, með fullri þjónustu, aðstoða fólk við að skipta um þurrkur og perur, þvo framrúður, mæla olíuna og bæta á rúðupissið, svo það helsta sé nefnt, en á slíkum þjónustustöðvum er bensínið dýrara en á sjálfsafgreiðslustöðvum.

Samkvæmt athugun Fréttastofu í gær, er mun meiri ásókn í ýmis afsláttarkjör olíufélaganna en áður og viðskipti á mannlausum stöðvum aukast á kostnað þjónustustöðvanna.