Hálka á Hellisheiði

Á Hellisheiði er hálka en krapi í Þrengslunum. Vegir eru annars auðir á Suðurlandi, að fram kemur í tilkynningu frá Vegagerðinni.

Á Vesturlandi er hálka á Holtavörðuheiði en hálkublettir á Bröttubrekku og sumstaðar á Snæfellsnesi. Á Vestfjörðum er hálka á Kleifaheiði, Hálfdáni, Mikladal og í Ísafjarðardjúpi. Flughált er á Steingrímsfjarðarheiði og Þröskuldum.

Vegir eru auðir í Húnavatnssýslum og Skagafirði en hálkublettir á Öxnadalsheiði og á köflum við Eyjafjörð. Nokkur hálka er á Mývatns- og Möðrudalsöræfum.

Þá er hálka á Fjarðarheiði og í Fagradal en á Austurlandi eru annars hálkublettir eða alveg autt.