Innlent

Skrifað undir flugvirkjasamning

Millilandaflug Icelandair komst í fullan gang í morgun, strax eftir að fulltrúar flugvirkja og Icelandair handsöluðu nýjum kjarasamning hjá Ríkissáttatsemjara rétt fyrir klukan átta, og verkfallinu var aflýst.

Annað verkfall vofir yfir ef samningurinn varður ekki samþykktur. Þegar samningamenn tókust í hendur í morugn hafði samningafundurinn staðið í tuttugu og eina klukkustund.

Samningurinn var formlega undirritaður þegar búið var að ganga frá öllum skjölum, og verður hann nú kynntur í flugvirkjafélaginu og borinn þar undir atkvæði félagsmanna. Staðan núna er sú að allar 22 vélar Icelandair komast til og frá landinu í dag, eins og til stóð.

Vegna seinkana í morgun liggur þó fyrir að seinkun verður líka á heimkomu vélanna í dag.




Tengdar fréttir

Samningar í höfn hjá flugvirkjum

Samningar hafa tekist á milli flugvirkja og Icelandair en verkfall hófst á miðnætti í nótt. Enn á eftir að skrifa undir og klára einhver smáatriði en verfallinu hefur verið frestað.

Tafir vegna flugvirkjaverkfalls

Verkfall flugvirkja hjá Icelandair hófst á miðnætti, en samningafundur, sem hófst hjá Ríkissáttasemjara í gær, stendur enn. Tafir hafa orðið á öllum brottförum nú í morgunsárið hjá Icelandair og verða næstu upplýsingar gefnar klukkan hálfníu að því er fram kemur á heimasíðu flugstöðvarinnar.

Mest lesið


Fleiri fréttir

Sjá meira


×

Mest lesið