Innlent

Bjarni aftur upp - lokatölur í Reykjavík

Oddný Sturludóttir hafnaði í öðru sæti í prófkjörinu. Auk hennar sóttust tveir borgarfulltúar og einn varaborgarfulltrúi einnig eftir sætinu.
Oddný Sturludóttir hafnaði í öðru sæti í prófkjörinu. Auk hennar sóttust tveir borgarfulltúar og einn varaborgarfulltrúi einnig eftir sætinu.

Séra Bjarni Karlsson fór upp um eitt sæti þegar lokatölur í prófkjöri Samfylkingarinnar í Reykjavík voru kynntar nú fyrir stundu. Dofri Hermannsson, varaborgarfulltrúi, hafnaði í sjötta sæti líkt og fyrstu tölur gáfu til kynna. Borgarfullrúinn Sigrún Elsa Smáradóttir hafnaði í sjöunda sæti en hún sóttist eftir öðru sæti líkt og borgarfulltrúarnir Oddný Sturludóttir og Björk Vilhelmsdóttir.

Samfylkingin fékk fjóra borgarfulltrúa kjörna í kosningunum 2006. Skoðanakannanir benda til þessa að flokkurinn muni bæta við sig fylgi í vor.

2656 greiddu atkvæði í prófkjörinu en 7874 voru á kjörskrá. Kjörsókn var því rúmlega 34%.

Í fyrsta sæti

Dagur B. Eggertsson með 2.208 atkvæði í fyrsta sæti.

Í öðru sæti

Oddný Sturludóttir með 959 atkvæði í fyrsta til annað sæti.

Í þriðja sæti

Björk Vilhelmsdóttir með 1.051 atkvæði í fyrsta til þriðja sæti.

Í fjórða sæti

Hjálmar Sveinsson með 1.037 atkvæði í fyrsta til fjórða sæti.

Í fimmta sæti

Bjarni Karlsson með 1.238 atkvæði í fyrsta til fimmta sæti.

Í sjötta sæti

Dofri Hermannsson með 1.448 atkvæði í fyrsta til sjötta sæti.

Í sjöunda sæti

Sigrún Elsa Smáradóttir með 1.569 atkvæði í fyrsta til sjöunda sæti.

Í áttunda sæti

Margrét K. Sverrisdóttir með 1.477 atkvæði í fyrsta til áttunda sæti.

 












Tengdar fréttir

Dofri kominn upp yfir séra Bjarna

Dofri Hermannsson, varaborgarfulltrúi, færðist upp um eitt sæti þegar tölur í prófkjöri Samfylkingarinnar voru birtar nú rétt eftir klukkan sjö. Þegar fyrstu tölur voru lesnar klukkan sex var hann í sjötta sæti og séra Bjarni Karlsson í því fimmta. Röð efstu manna er að öðru leyti óbreytt.

Dagur: Geysilega sterkur hópur með breiða skírskotun

„Ég er mjög sáttur með niðurstöðuna en það er auðvitað ekki búið að telja allt þannig að innbyrðis röðun einstakra frambjóðenda getur breyst. Það er aftur á móti alveg ljóst að hópurinn er geysilega sterkur, með breiða skírskotun og kemur með mikilvæga reynslu víða úr samfélaginu inn í stjórmálin. Það er endurnýjun á ferðinni,“ segir Dagur B. Eggertsson, varaformaður Samfylkingarinnar og oddviti flokksins í Reykjavík, um nýjustu tölur í prófkjöri flokksins vegna kosningarnar í vor.

Sigrún Elsa í sjöunda sæti - Oddný í öðru

Sigrún Elsa Smáradóttir, borgarfulltrúi, sem sóttist eftir 2. sæti í prófkjöri Samfylkingarinnar í Reykjavík er 7. sæti þegar rúmlega 23% atkvæða hafa verið talinn. Samfylkingin fékk fjóra borgarfulltrúa kjörna í kosningunum fyrir fjórum árum. Þrír borgarfulltrúar raða sér í efstu þrjú sætin. Hjálmar Sveinsson, útvarpsmaður, og séra Bjarni Karlsson koma næstir.

Litlu munar á 4. til 7. sæti

Bjarni Karlsson, frambjóðandi í prófkjöri Samfylkingarinnar, segist vera ákaflega sáttur við þann stuðning sem hann fær í prófkjörinu. Þegar fyrstu tölur voru birtar var Bjarni í fimmta sæti en þegar þær voru birtar í annað sinn hafði hann haft sætaskipti við Dofra Hermannsson, varaborgarfulltrúa, sem var í sjötta sæti.

Mest lesið


Fleiri fréttir

Sjá meira


×

Mest lesið