Laun í ensku úrvalsdeildinni hækka um 11 prósent

Félög í ensku úrvalsdeildinni eyða 67% af veltu sinni í laun til aðalleikmanna sinna. Launin hafa hækkað um 11% á einu ári.

Þetta kemur fram í árlegri skýrslu Deloitte um fjármál í fótboltanum.

"Þetta er eitthvað sem ástæða er til að hafa áhyggjur af," sagði framvæmdastjóri Deloitte um launahækkunina. Með nýjum reglum UEFA sem verða innleiddar árið 2012 verður félögum skylt að eyða aðeins þeim peningum sem það aflar.

Skýrslan sýnir að mest hafa launin hækkað hjá félögunum þrettán sem eru ekki í hópi svokölluðu "stóru 4 félaganna," Liverpool, Manchester United, Chelsea og Arsenal sem og félaganna sem komu upp úr 1. deildinni.

Ætla má að Manchester City eigi ansi stóra prósentu í launahækkuninni.