Innlent

Drengurinn líklega útskrifaður af gjörgæslu í dag

Mynd/Vilhelm Gunnarsson
Drengurinn sem bjargaðist úr djúpri sprungu á Langjökli síðdegis í gær er ekki lífshættu. Hann verður líklega útskrifaður af gjörgæsludeild Landspítalans síðar í dag, að sögn vakthafandi læknis. Hann losnaði úr öndunarvél í morgun.

Drengurinn og móðir hans féllu í sprungu á vestanverðum jöklinum eftir hádegi í gær. Björgunarsveitarmenn náðu konunni upp úr sprungunni klukkan þrjú. Hún reyndist þá látin.

Drengurinn féll dýpra ofan í sprunguna en móðir hans og tók það tvo tíma til viðbótar að ná honum upp, en það tókst um fimmleytið. Þá hafði drengurinn verið ofan í myrkri sprungunnar í um fjórar klukkustundir. Hann var í framhaldinu fluttur með þyrlu Landhelgisgæslunnar á gjörgæsludeild Landspítalans í Fossvogi.


Tengdar fréttir

Kona lést á Langjökli

Konan sem féll í sprungu á Langjökli ásamt sjö ára gömlum syni sínum var látin þegar björgunarsveitarmenn komu á vettvang. Drengurinn var fluttur með þyrlu á Landspítala.

Langjökull krosssprunginn á slysstaðnum

Sjö ára drengur liggur nú á gjörgæsludeild Landspítalans í Fossvogi eftir að hann bjargaðist úr hyldjúpri sprungu á Langjökli síðdegis í gær. Móðir hans var látin þegar hún náðist upp úr sprungunni.

Drengurinn ekki lengur í öndunarvél

Drengurinn sem bjargaðist úr hyldjúpri sprungu á Langjökli síðdegis í gær er laus úr öndunarvél. Að sögn vakthafandi læknis á gjörgæsludeild Landspítalans er drengurinn vakandi og líðan hans eftir atvikum góð.

Mest lesið


Fleiri fréttir

Sjá meira


×

Mest lesið