Greiða atkvæði um bann við höfuðslæðum

Belgíska þingið greiðir atkvæði í dag um frumvarp sem bannar klæðnað íslamskra kvenna á almannafæri sem alfarið hylur andlit þeirra og líkama. Belgía yrði þar með fyrsta landið í Evrópu sem bannaði slíkan klæðnað með lögum. Málið hefur verið afgreitt út úr nefnd í belgíska þinginu með atkvæðum allra flokka á þingi. Níkap sem er klæðnaður sem hylur allan líkamann og allt andlitið nema augun verður bannaður ásamt Búrku sem einnig hylur augun.

Búist er við að Frakkar og Hollendingar fylgi fordæmi Belga. Nicolas Sarkozy forseti Frakklands hefur beinlínis hvatt franska þingið til að setja lög sem þessi. Hann segir klæðnað sem þennan kúga konur og sé ekki líðandi í Frakklandi. Fylgjendur bannsins segja klæðnaðinn, sem örlítill minnihluti kvenna í Belgíu og Frakklandi klæðist, geri lítið úr konum og stríði gegn lýðræðishefðum í Evrópu.