Könnunarflug yfir Grímsvötn: Engin merki um gos

Eldgos virðist ekki hafið í Grímsvötnum en hugsanlegt var talið að lítið eldgos hafi hafist á þriðja tímanum í nótt. Vísindamenn flugu í vél Landshelgisgæslunnar yfir svæðið til að kanna hvað þar væri á seyði.

Á milli klukkan tvö og þrjú í nótt tóku vísindamenn eftir breytingum í Grímsvötnum þegar mælar fóru skyndilega að sýna meiri óróa.

Að sögn Páls Einarssonar prófessors hefur þessi órói verið nokkuð stöðugur síðan og stendur enn yfir.

Vélin er nú snúin til baka og sáust engin merki um gos.