Almenningur sniðgengur bensínstöðvar BP

Bandarískir neytendur eru byrjaðir að sniðganga bensínstöðvar BP olíufélagsins í miklum mæli og í sumum borgum landsins eru um skipulagaðar aðgerðir að ræða.

Ástæðan er vaxandi óþol meðal almennings í Bandaríkjunum yfir því hve seint og illa gengur að stöðva olíulekann á Mexíókóflóa. Það eru um 10.000 bensínstöðvar á vegum BP í Bandaríkjunum.

Í frétt um málið á sjónvarpsstöðinni ABC segir að þessar aðgerðir muni ekki hafa alvarlegar fjárhagslegar afleiðingar í för með sér fyrir BP þar sem bensínsala til almennings er aðeins brot af tekjum félagsins.