Lady Gaga vill ekki deyja í fríi

Tónlistarkonan Lady Gaga hefur nánast verið stanslaust á tónleikaferðalagi frá árinu 2008 þegar hún sló fyrst í gegn.

Nánustu aðstandendur söngkonunar hafa lýst yfir miklum áhyggjum vegna þessa og óttast að hún muni ofkeyra sig. Á tónleikum í Svíþjóð sagðist söngkonan þó ekki ætla að taka sér hlé frá tónleikahaldi strax.

„Þegar fólk segir að ég sé að ofgera mér og þurfi að taka frí þá hugsa ég um öll þau skipti sem ég stóð og söng á öldurhúsum og enginn þekkti lögin mín. Ég mun sofa þegar ég er komin í gröfina. Ég veit að ég vinn of mikið og á eftir að gera út af við sjálfa mig. En ég vil helst ekki sofna svefninum langa í fríi, ég vil heldur gera það á sviðinu umkringd aðdáendum mínum."