Miklar eldingar yfir gosstöðvunum

16. apríl 2010 22:11

Þessa mynd tók Gísli Óskarsson í Vestmannaeyjum í kvöld. Myndin segir meira en þúsund orð.

Tilkynning barst frá lögreglunni klukkan hálf átta um öskufall við Vík í Mýrdal. Frekari fregnir bárust klukkan að ganga níu um samfellt öskufall 40 kílómetra í austur frá Vík.

Var þá ákveðið að loka þjóðveginum austan við Vík sem og veginum um Mýrdalssand.

Tilkynnt var um aukna virkni á gosstað og miklar eldingar kl. 21:11.

Þessa mynd tók Signý Ásta Guðmundsdóttir, læknanemi og heimasætu á Strandarhöfði, V-Landeyjum. Það er mesta furða hvað hestarnir eru rólegir í náist eldgossins. Hægt er að smella á myndina til þess að sjá hana í betri upplausn.

Flugvél Landhelgisgæslunnar, TF-SIF lenti í Reykjavík kl. hálf sex í kvöld. Voru aðstæður á gossvæðinu kannaðar og gögnum safnað með ratsjár-og hitamyndum.

Kom í ljós að litlar breytingar hafa orðið á svæðinu, aðrar en þær að ásjóna gíganna í eldstöðinni er orðin afmynduð.

Gígarnir hafa stækkað talsvert.

Einnig eru komin ný göt í Gígjökul þar sem vatn hefur runnið undir honum og fellt „þakið".

Lónið neðan Gígjökuls er horfið eins og sást í gær, og engin fyrirstaða fyrir hlaupin úr honum eftir. Við athugun á framburði Markarfljóts kom í ljós að hann leitar að mestu til austurs.

Nær hann lengst á 019°25´V og um 2 sjómílur. frá strönd.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.