Erlent

Þjóðarsorg í Pakistan

Þjóðarsorg hefur verið lýst yfir í Pakistan í dag í kjölfar versta flugslyss í sögu þjóðarinnar.

Airbus A321 farþegaþota með 152 innanborðs hrapaði til jarðar í gærmorgun skammt frá Islamabad höfuðborg landsins og komst enginn af í slysinu. Þegar er búið að finna lík 115 þeirra sem fórust en slæmt veður á slysstað hefur hamlað björgunarstarfinu.

Komið er í ljós að tveir farþeganna voru Bandaríkjamenn. Svarti kassinn úr þotunni hefur ekki fundist og ekkert er vitað um ástæður þess að hún hrapaði til jarðar.



Mest lesið


Fleiri fréttir

Sjá meira


×

Mest lesið